دى نكت حلوة اوى ارجو الردود
وكل واحد يقول اية اكتر
نكتة عجبتة
1- مرة واحد محشش لقى كنز فقال : كويس فاضل الخريطة
2- مرة واحد غبى بيدق مسمار فالحيطة فوقع قال للمسمار تعالى مجاش قالة تانى تعالى مجاش فجاب شوية مسامير ورماهم علية وقالهم هاتوووووووه
3-مرة واحد مسطول قابل واحد فبيقولة هى الساعة كام قاله خمسة وخمسة فرد علية المسطول وقاله متعرفش تقول عشرة وخلاص
4-مرة واحدة بتقول لجوزها ودينى المستشفى ماما هناك وعندها حالة تسمم قالها اكيد بلعت لسانها غلط
5-مرة حماة أرادت اختبار ازواج بناتها فأخذت الاول وعملت نفسها اتزحلقت فى البحر فنزل وراها وانقذها فتانى يوم وجد عربية بيجو مكتوب عليها هدية من حماتك وفعلت نفس الشئ مع الثانى واحضر لها الاسعاف فثانى يوم وجد عربية بيجو مكتوب عليها هدية من حماتك أما الثالث فتركها تغرق ففى اليوم التالى وجد عربية مرسيدس مكتوب عليها هدية من حماك
6-مرة واحد بيقول لخطيبتة انا كلمتى زى الساعة فبصتلة بغضب
قالها يعنى لابتقدم ولا بتاخر
-مرة واحد مراته ماتت فماشى فالعزا بيضحك اوى فواحد سأله بتضحك لية قاله اول مرة اعرف هى رايحة فين
كان فيه واحد في السوبرماركت يلزق الصابون في الشامبو قالوله ليش تسوي جيه ؟
قال عشان أشتري الشامبو و تعطوني الصابون مجاني
وحـــدة زوجها ضيِع حماره ..
فاخذت الزوجة تواسيه وتخفف عليه
فقالت : و الله دخلتك علي البيت تسوى مية حمار
في محشش بسال سكران ليه نشرة الاخبار اليوم طويله حكاله يمكن اليوم الحلقه الاخيره
مره واحد نذل ابوه طرده من البيت راح كتب على العماره مقر حركة طالبان
بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟
قالت له : لأ ماما هتعيش معانا
واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه...
اقعد علي الورق علشان ما يطرش
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل
فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد
التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب
قال لسه حقوم اردم ياجدع
واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين
مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم
طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "
بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل
بطة راحت لبقال قالت له عندك سكر ؟؟ قال لها لا.. راحت له تاني يوم قالت له عندك سكر؟؟ قال لها لأ ، وعارفه لو جتيني
تاني حدق رجليكي المفلطحه في الأرض... راحت له تاني وقالت له عندك مسامير؟؟ قال لها لأ .. قالت له طب عندك سكر
مرة واحد احول بعد 30 سنه اكتشف انه بصرف على بيت الجيران
مره واحد عاوز يفسح عروسته في شهر العسل فسحها في منحل
اتنين متجوزين كل ما يخرجوا فى حته مراته تقول له عايزة اروح جنينة الحيوان عند جبالية القرود.... و كل يوم تروح عند
الجبلاية و تفضل تأكل القرود .... لغاية يوم الولادة دخلت تولد و لما الممرضة خرجت سألها الاب اية ولد ولاّ بينت ؟؟ فقالت
له الحقيقة يافندم ملحقناش نعرف ... اول ما المولود نزل نط من الشباك
مره حرامى سرق فرخه وراح يكله على شط النيل فشافه عسكرى وقل له مسكتك ياحرامى الفراخ ، والريش جنبك اهو ...
فقال له الحرامى لا ياشويش دى نزلت تستحمى وقالت لى خلى باللك من هدومى
واحد عصبى إتجوز واحده عصبيه الدكتور بيولد مراته..نزل الواد يقول للدكتور إبعد إنت أنا هانزل لوحدى
واحدة بتتكلم مع صاحبتها بتقولها .... أنا جوزي نساي جدا كل يوم يقولي أنا نسيت مفتاح المكتب ، أنا نسيت مفتاح الشقة......... ردت صاحبتها وقالت لها : طب أنتى أرحم منّي أنا جوزي كل يوم يقول لي أنا شفتك فين قبل كده
واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت
واحد بيقول لمراته هو فين الكلب اللى جبناه يحرس البيت ؟؟؟ قالت له : سرقوه الحراميه أمبارح .
واحد قتل حماته وفى القسم الظابط بيسأله اسمك ايه؟ قال له: اكتب فاعل خير .... انا مش بحب التفاخر
سأل الشرطي إمرأة تقود السيارة هل رأيت إشارة المرور.. قف ؟؟؟؟؟ فأجابته : نعم ، فقال لها : إذا لماذا لم تتوقفي ؟؟؟؟ فأجابته : لأنه مكتوب عليها قف وليس ...... قفي
واحد لقى اوتوبيس مكتوب عليه السيدة زينب قلع الجزمة وركب
واحد قاعد فى امان الله بيقرأ الجورنال قامت جت مراته وخبطته بغطا الحله على دماغه قلها فى ايه يابنت الناس ليه كدا
قالتله ايه الورقه اللى مكتوب فيها سوسو دى قلها دا اسم الحصان اللى بنشجعه فى سبق الخيل ... تانى يوم وهو قاعد بيقرأ الجورنال جت خبطته بغطا الحله قلها فى ايه يابنت الحلال تانى قالتله قوم حصانك ع التليفون
واحد نايم جنب مراته بعد نص الليل و فجأه الباب خبط جامد فمراته صحيت مفزوعه من النوم وهى بتصرخ يا نهار اسود جوزى . راح جوزها نط من البلكونه
واحد من طنطا حب يوصل بلده بسرعة ركب القطر وقعد يجرى فيه
واحد من طنطا عاوز يعلم ابنه الجرى ربطه فى القطر
واحد من طنطا قتل مراته عشان رضيت تمسك إيده
واحد من طنطا بيلعب فى وذنه جاب اذاعة الشرق الأوسط
واحد من طنطا واقف و معاه ارنب فعدّا عليه واحد و قال : بكام الحمار اللي معاك ده؟ فقاله: ده ارنب يا عم ! فقاله:ان مش بكلمك انت..انا بكلمه هو!
أنشاء الله يكونوا عجبوكوا ولا تنسوا الردود
11/8/2008, 2:31 am
